قصيده في حب فاطمه الزهراء ع
فاطم الزهراء ام الاكرمين= حره معروفت نسب باطهر بدن
اصطفاها الله من لب الجنان= ام لبوهه اولدت حسين وحسن
خالده الزهراء وي سر الخلود= وسرهه ما لمه الحجي وعافه العلن
والدت ثوره وسلم زوجت نقاء = ىاكرمت ضلعين والمحسن لان
جان لازم ينختم ذاك الفجور = بكسر ضلع الزهره ويخلده الزمن
يا عبات الدين وانفاس الصلاه= ياهدى الايمان يا جنه عدن
يجري من تحتج نهر حب الامير = اهدعش نوع بسلت اثمارج زهن
الباري من راد الرجس عنكم يزول = شنهو قصد الله وشجان الثمن
اذن مخلوقه بقصد صرتي الوعاء = بطاست الله وشربت احفادج لبن
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
اليكم قصيدة الامام علي الهادي ( عليه السلام )
وكفت بعتبتك ياسيدي ومولاي = لكيت العتبة هيه تصيح وتنادي
يلمتيه تعال الجنة الله هنا = تتيه شلون ونته بحضره الهادي
وطفت جني بجنانك من طفت والله = وعلى ابوابك رجيت حمولي وشدادي
لان جنك وياي وسولفت ويـــاك = وكبل لااحجي انته انطيتني مرادي
امامي شما اكولن ماالك وفيت = وانول الجنة كون وياك تعدادي
واشوفك حي رغم ما فاركت دنياك = لأن لي هسة اشوفك بالفكر حادي
ومشيت بعزتك ما دنكت للجور = لانك موطبيعي ولا شخص عادي
وعشت وكت الطغاة الطاغي دنك ليك = ومشت انته على خشم عداك متهادي
يسلبك عزتك يلكاك عزة وجاه = شينكص لو غرفك من بحرك العادي
متفايض كرامه ووجه عندك جان = حضنت نوره وتعلت بالعلا بلادي
والك تبقه المعاني ويرد كل الجود = والك يبقى ولائي وفكري وسنادي
وتمر ذكرى وفاتك انكلب تابوت = وصف روحي بمشيتي واعلن حدادي
وحس الدمعه تنزل من دليلي عليك = ولك انصب عزاء بلبه افداي
مولاي شكثر رادت توصفك ناس = ماكدرت لان ما لك مثل سادي
واكيد الي يوصفك يبقى حاير بيك = لان من الله نورك بالاصل بادي
وتمر ذكرى الولادة وكلي اصير شموع = والم جروحي بيك وتصبح ضمادي
واكوم اشكر الهي واحمده واثنيه = لان بجعفريتي احترم ميلادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
[center]